تلبسي ايه وانتي رايحة الانترفيو ؟!

مقابلة العمل او ال Interview تعتبر هي الانطباع الاول اللي بتسيبيه عند صاحب العمل لما بتروحي تتقدمي لاي وظيفة عشان كده لازم نهتم بيها جدا ومن الحاجات المؤثرة اوي هو المظهر العام, واكيد كتير مننا

Advertising

 بيحتاروا يلبسوا ايه في المقابلة دي عشان يسيبوا انطباع حلو ويبقوا مرشحين بشكل قوي للوظيفة, وده اللي هنعرفه النهاردة من خلال موضوعنا هنقولك على افكار ستايلات لمقابلة العمل تقدري تختاري منها اللي يناسبك عشان تروحي وانتي انيقة ومستعدة وواثقة من نفسك. 

 تلبسي ايه وانتي رايحة مقابلة عمل  .. اعرفي معانا الستايلات المناسبة

افكار ستايلات لمقابلة العمل:

– بلوزة وبنطلون اسود:

البنطلون الاسود يعتبر قطعة كلاسيكية وجزء اساسي لمقابلة العمل, مناسب جدا للمقابلة وسهل تنسقي عليه اي قطعة من فوق عشان تكملي الطقم, ممكن تلبسي عليه بلوزة, او بليزر عشان تكملي اللوك الرسمي.

وممكن تضيفي بعض التفاصيل عشان ميبقاش اللوك ممل, ممكن تنسقي مع البنطلون الاسود بلوزة رمادي بقصة مميزة زي قصة الراب هتديكي لوك مميز وانيق وفي نفس الوقت رسمي.

كملي الطقم بالشوز المناسب البسي شوز بكعب مش عالي اوي يعني يكون ارتفاعه متوسط, وممكن تلبسي شوز كلاسيك فلات بدل الكعب.

افكار ستايلات لمقابلة العمل

– قميص كلاسيك:

القميص الكلاسيك كمان من القطع المناسبة جدا لمقابلة العمل ممكن تختاري اللون الابيض او الازرق او البينك, وممكن تجربي الاقمشة من خامة الشيفون الحرير وتعملي لوك طبقات وتلبسي تحتيه بادي اسود قصير, وحاولي بردو انك تنوعي وتبدعي في الالوان يعني ممكن تختاري اللون الجملي بيطلع شكله حلو جدا ومثير للاهتمام اكتر من الالوان التقليدية وفي نفس الوقت هتبقي محافظة على اللوك الرسمي.

واختاري القميص تكون فتحة الصدر بتاعته مناسبة, اتاكدي انك مغطية حمالة الصدر كويس والشكل العام مظبوط, لو هتدخلي القميص من جوه متخليهوش مشدود جوه البنطلون يعني طلعي جزء منه خليها تغطي وسط البنطلون الا لو استايل القميص اصلا من اللي بيكون بره البنطلون ساعتها اكيد سيبيه من بره.افكار ستايلات لمقابلة العمل

– بليزر ازرق غامق وجيبة كاكي.

الستايل ده من الستايلات الرائعة جدا لمقابلة العمل وفيه تنويع لانه مكون من تلات قطع لكن في نفس الوقت بسيط, البليزر الازرق الغامق يعتبر من انسب القطع لمقابلة العمل ممكن تنسقيه مع قميص او بلوزة او حتى مع فستان.

جربي تلبسي البليزر الازرق مع قميص ابيض وبنطلون كاكي ولو بتحبي تلبسي جيبات نسقي معاهم جيبة كاكي بدل البنطلون, او حتى ممكن تنسقيه مع بنطلون جينز ازرق غامق لو رايحة مقابلة عمل كاجوال يعني ده بيعتمد على نوع العمل اللي انتي رايحة تقدمي فيه او طبيعة المكان.افكار ستايلات لمقابلة العمل

– فستان:

بالرغم ان مقابلة العمل لازم تكون رسمية ومحافظة لكن ده ميمنعش انك ممكن تلبسي فستان بستايل انيق ولون مناسب زي اللون الفيروزي, او الاحمر الغامق.

والفستان لوحده من غير اي تفاصيل هيكون كافي جدا يعني اختاري فستان بلون زاهي ومتضيفيش معاه اي اكسسوارات او اي تفاصيل تانية, ونتأكد ان خط الرقبة مفتوح فاتحة من مناسبة, واتجنبي الفساتين القصيرة اوي او المفتوحة الافضل يكون طويل وشكله كلاسيك.

وكل اللي محتاجاه عشان تكملي اللوك بتاعك شوز اسود بكعب او فلات اسود.افكار ستايلات لمقابلة العمل

– قميص مع سويتر حرف V:

تنسيق القميص مع سويتر حرف V من اللوك الانيقة جدا والمناسبة لمقابلة العمل, ممكن تنسقيه مع بنطلون اسود او جيبة او مع بنطلون جينز ازرق غامق لو المقابلة مع شركة لسه جديدة مثلا او لو نوع الشغل اللي انتي رايحة تقدمي فيه يسمح باللوك الجينز زي ما قولنا في النقطة اللي فاتت.افكار ستايلات لمقابلة العمل

– كارديجان مطبوع:

متخافيش انك تلبسي حاجة مطبوعة او جريئة شوية لكن بالرغم من كده بردو اتجنبي الحاجات الفاقعة او الزاهية اوي او اللي فيها بهرجة زيادة عن اللزوم, ممكن تلبسي كارديجان مطبوع باللون الاسود والابيض هيبقى اللوك مش ممل ورسمي في نفس الوقت.

ونسقي معاه بنطلون او جيبة سادة مافيهاش تفاصيل يعني اكتفي بقطعة واحدة في اللوك يكون فيها طباعة وخلي باقي اللوك بسيط.افكار ستايلات لمقابلة العمل

– الفستان الاسود والشراب:

الفستان الاسود القصير عند الركبة كمان من القطع الشيك والانيقة المناسبة لمقابلة العمل وعشان تكملي باقي اللوك البسي معاه شراب اسود بسيط وابعدي عن الشرابات اللي فيها رسمة او مطبوعة او الشبك لانها مش مناسبة لمقابلة العمل لكن البسي شراب عادي ممكن يكون مضلع بشكل بسيط وناعم مش اكتر.

كملي اللوك والبسي معاه شوز كلاسيك اسود بكعب.افكار ستايلات لمقابلة العمل

– بلوزة Wrap وجيبة Tweed:

البلوزة Wrap من الموديلات الانيقة جدا اللي ممكن تنسقي معاها جيبة Tweed او بنطلون وتلبسي حزام عشان تضيفي لمسة بسيطة وانيقة للوك بتاعك.افكار ستايلات لمقابلة العمل

– بليزر كاكي وجيبة ازرق غامق:

البليزر الكاكي مستوحى شوية من الملابس الرسمي الرجالي, لكن القطعة دي مميزة جدا ومناسبة لمقابلة العمل لو نسقتي معاه قميص او بلوزة , او تلبسي عليه قميص جينز غامق زي ما قولنا حسب المقابلة.

ممكن تلبسي تحت البليزر قميص لبني فاتح او تختاري الستايل اللي بلياقة بيضا هتظهر اللوك بتاعك جدا, والقطعة الاخيرة اللي هتكمل اللوك هي الجيبة الازرق الغامق وهي تعتبر البديل العصري للجيبة السودا الPencil skirt الكلاسيكية, هتديكي لوك اهدى من الجيبة السودا وفي نفس الوقت رسمية.افكار ستايلات لمقابلة العمل

– ايه الحاجات اللي تتجنبيها في مقابلة العمل:

1- زي ما قولنا ان البليزر من القطع الاساسية والمناسبة لمقابلة العمل لكن لازم نخلي بالنا من اللي هيتلبس تحت البليزر متلبسيش حاجة يكون صدرها مفتوح اوي لازم تكون الفتحة مناسبة, ولو لابسة قميص تكون الازرار مقفولة وسايبة بس خط الرقبة على شكل حرف V صغير.

2- متحطيش برفيوم بريحة قوية اوي عشان متبقاش اوفر او منفرة الافضل انك تحطي برفيوم بريحة خفيفة.

3- البسي حاجات مناسبة للجو يعني لو المقابلة في الصيف اكيد هنبقى محتاجين حاجات مناسبة للجو ورسمية في نفس الوقت ممكن في الحالة دي تلبسي البنطلون الكاكي مع قميص خفيف بسيط مع شوز كلاسيك مناسب.

4- ابعدي عن لبس الاحذية الرياضية خالص في مقابلة العمل, اعتمدي بس على الشوز الكلاسيك.

5- اتجنبي المكياج الكتير او التقيل زيادة عن اللزوم خلي شكلك طبيعي اكتر, اتجنبي الوان الايشادو الغامقة او الروج بالوان فاقعة, او كريم الاساس التقيل, افضل لوك انك تكتفي بطبقة من الماسكارا على الرموش ولمسة بودر على الوش وزبدة كاكاو او روج بألوان فاتحة او نيود, يعني خلي اللوك طبيعي على قد ما تقدري.

6- “ده مش يوم التجارب” يعني متحاوليش تجربي حاجة جديدة في اللوك بتاعك خليكي محافظة على اللوك التقليدي بتاعك او اللي انتي متعودة عليه يعني متجربيش الوان او استايلات جديدة عليكي في اليوم ده.

7- حاولي تقللي التفاصيل بقدر الامكان متلبسيش اكسسوارات كتير او بألوان فاقعة او فيها حاجات بتلمع, يعني ابعدي عن الحاجات المبهرة اوي وخليكي بسيطة.افكار ستايلات لمقابلة العمل