● نهاية الانترفيو "2".
Do you have any questions for me ؟
• في نهاية الانترفيو بيسألك الـ HR إذا عندك اسئلة أو استفسارات. بلاش تقوله "لأ، شكراً" كأنك ما صدقت أخيراً ان الانترفيو خلص و الضغط راح.
• فيه اسئلة كتير ممكن تستعد بـ 2 أو 3 منها و تسألهم، زي:
- لو اتقبلت، المفروض هشتغل في إيه في أول أيامي ؟
- إيه الأقسام الموجودة في الشركة و إيه وظايفها ؟
- إيه اكتر حاجة بتتميزوا بيها في الشركة ؟
- بتقيموا أداء الموظفين هنا على أساس إيه ؟
- ممكن تديني مثال عن مشروع زي اللي هشتغل فيه علشان يبقى عندي استيعاب أكتر لطبيعة المهام و الشغل ؟
- في النهاية اسأله عن طريقة التواصل بينكم بعد الانترفيو و إذا كانوا هيكلموك إذا اتقبلت أو اترفضت. و بعدين اشكره على وقته و قوله انك كنت سعيد جداً بالانترفيو و سلم عليه و اخرج و انتظر مكالمة تعيينك بقى يا وحش :))
إرسال تعليق