● اسئلة الانترفيو "4"
• What Is Your Greatest Weakness?
• Tell Me 3 Weakness Points In You.
- كل البشر عندهم أخطاء و نقاط ضعف، و الغرض من السؤال ده اختبار شخصيتك إذا انت شخص بيعترف بغلطاته ولا بيكابر، ده بالإضافة لمعرفة إذا انت شخص ساذج يسهل اكتشاف المعلومات منك ولا لأ. ربما يكون غلط انك متعترفش بالغلط، لكنها كارثة أكبر لو اديت تقرير تفصيلي بكل اللي فيك. ساعتها كأنك بتقوله ارفضني!
- في بداية اجابتك اعترف بان كل البشر فيهم غلطات و احكي عن غلطة واجهتها و بعدين حليتها زي مثلاً ان كان عندك مشكلة في التعامل مع الفريق زمان وكنت بتحب تشتغل لوحدك لكنك لما جربت تشتغل وسط الناس حسيت قد إيه العمل الجماعي مفيد و ده غيّر وجهة نظرك تماماً.
- الإجابة اللي فاتت هي الإجابة التقليدية للسؤال ده، بس لو الـ HR قرر يلعب معاك و يقولك قولي حاجات تانية فاحنا هنجهزك علشان تلعب معاه انت كمان.
- ممكن تقول انك شخص "Workholic" و بتحب الشغل جدا، ساعتها هيبصلك باستغراب و يقولك هي دي مشكلة ؟ قول انك بتحب الشغل لدرجة انك خسرت ناس بتحبهم من كتر اهتمامك بيه!
- ممكن تقول انك دايماً بتحس ان الشغل اللي عملته مش كفاية فبتضغط على نفسك علشان تأدي شغل أحسن و ده ساعات بيرهقك و يتعبك.
- زي ما قلنا قبل كده ان اسئلة الانترفيو هي ستار لمعايير معينة هو بيدور عليها، ولما هيلاقيك فاهم غرض السؤال صح هتأكدله أكتر انك الشخص المناسب.
----
احكولنا كنتم بتجاوبوا السؤال ده إزاي زمان و إزاي هتجاوبوه في الانترفيو الجاي بعد ما قريتوا نصايحنا ؟
إرسال تعليق