شايف نفسك فين كمان 5 سنين ؟

● شايف نفسك فين كمان 5 سنين ؟

من أهم اسئلة الانترفيو و اللي غالباً هتتسأله مهما كان المجال اللي هتشتغل فيه.
اللي هيشغلك محتاج يتأكد انك مهتم بالوظيفة وان عندك دراية كويسة بطريقها و مستقبلها و انك شخص طموح و كمان 5 سنين هتقدر تساعد الشركة بمهاراتك.

- أوعى أبداً تقول الإجابة المتخلفة بتاعت :"شايف نفسي مكانك"، الانترفيو مش المكان المناسب علشان تحاول تثبت فيه انك جامد و رِوش.

- أوعى تقول انك بتخطط تكمل في مجال تاني كمان 5 سنين. الشركة بتستهلك طاقة و وقت و موارد غير طبيعية علشان تأهلك للشغل، و حتى لو كنت الشخص المناسب فأكيد الشركة مش هتهدر مواردها على شخص هيمشي في النهاية.

- حاول متتكلمش في فلوس علشان متبانش انك طماع و ان لو جالك عرض أعلى هتسيب شركتهم في أقرب وقت.

- حاول اجابتك متكونش مخصصة زي مثلاً: "عاوز ابقى مدير قسم الحسابات" لأن معناها انك لو وصلت للمكان ده فطموحاتك هتنتهي عنده خلاص. 

ده بالإضافة انك لو متعرفش الـ career path و المناصب اللي بعد كده فبلاش تعك و تقول مراكز في الشركة انت مش عارف معناها.

• الإجابة ببساطة:
“I would like to see myself at a company where I can grow and take on new challenges over time. Ultimately, I’d like to assume more management responsibilities and get involved in product strategy. But most importantly, I want to work for an organization where I can build a career.”