● بيع القلم ده.
جزء من الانترفيو بيكون عن قدرتك على التواصل و الإقناع و بيتطلب منك انك تبيع قلم أو موبايل أو حاجة تانية، و الحلول للموقف دي كتير و دي أشهرها..
- أول سيناريو انك تدي قيمة معنوية للقلم
زي انك تقول مثلاً: القلم ده اللي اتمضى قرار حفر قناة السويس التانية، او اتمضى بيه عقد ابو تريكة و ان قريب ليك شغال في الادارة معاه القلم ده لكنه للأسف بيمر بأزمة مالية و محتاج يبيعه رغم قيمته الشديدة. قوله انك ممكن تبيعه ليه بألف جنيه لأن قريبك مينفعش يبيعه علشان ميتحرجش من الناس و ان القلم ده لو اتباع في مزاد هيجيب أضعاف تمنه.
- تاني سيناريو بيعتمد على قدرتك الكلامية: اسئله مضى كام ورقة النهاردة ؟ طيب الاسبوع ده ؟ فاكر كل الأقلم اللي استخدمها ؟
اتكلم عن قد إيه ان القلم مش مجرد أداة لكنه بيحمل جواه قيمة، فمثلاً لو مضى عقد مهم مع شركة مهمة فهو محتاج قلم شييك زي قلمك يحافظ على القيمة دي و يفضل معاه دايماً يفكره بيها علشان كده قلمك بكل مميزاته اللي هتشرحها من لون و خط و وزن هو القلم المناسب.
- السيناريو الأخير: ممكن تخلق "Need" بانك تاخد الأقلام اللي في الأوضة و تقوله ان معاك شيك ممكن تمضيله عليه بس لو ادالك قلم تمضي بيه. ساعتها هيبقى محتاج يشتري قلم و هيشتري قلمك.
----------
السيناريوهات كتير أوي و بتختلف من شخص لشخص في الرد و القبول، شاركونا بقصصكم مع السؤال ده و ازاي كنتو بتجاوبوه
برافو علييك بجد افدتني جداا
ردحذف