اسئلة الذكاء و الحكم على الشخصية

● اسئلة الذكاء و الحكم على الشخصية.

- جزء مهم في الانترفيو اسئلة اختبار الشخصية، و منها بيعرف الـ HR عقلية اللي قدامه و حسن تصرفه و طبيعة اختياراته. الاسئلة دي ملهاش نهاية و مستحيل تعرفها كلها، لكن تقدر تحلها بالكثييير من المخيلة (المعقولة) و انك تفكر إيه الصفة اللي عاوز يعرفها فيك من سؤاله و تحاول تخلي إجابتك تثبت الصفة دي.

• كم عدد الأبقار في كندا ؟
(الأرقام الجاية ارقام افتراضية منطقية و ملهاش علاقة بالاحصائات الحقيقية)

- هتقول ان كندا فيها 30 مليون انسان، منهم 15 مليون واحد بيشربوا لبن كل يوم و 10 مليون بيستخدموها في صناعات ليها علاقة بالألبان.
و لو البقرة الواحدة بتطلع 20 لتر في اليوم، و استهلاك الانسان الطبيعي 1 لتر في اليوم يبقى 25000000 انسان/ 20 لتر = 1250000 بقرة.
و هنضيف فوقهم نص الرقم ده علشان فيه أبقار صغيرة مش بتتحلب و أبقار موجودة للدبح و الغذاء بس يبقى عدد الأبقار في كندا 18750000 بقرة تقريباً.

- غالباً وزير الزراعة الكندي ميعرفش إجابة السؤال ده فمتقلقش ان الـ HR يكون عارف الاجابة الصحيحة، ولو كان عارف فالغرض الحقيقي مش الرقم، الغرض الحقيقي هو إذا كان عندك عقلية حسابية منطقية تقدر تحول المعطيات لأرقام و تحللها.
-------

قولولنا كانت إيه هتكون إجابتكم على السؤال ده، و شاركونا بأغرب الاسئلة اللي اتسألتوها في الانترفيو.

● اسئلة المُخيلة و الذكاء "2"